Մանթաշյանց Գյումրին 2 տարեկան է

Մանթաշյանց գործարարների միության Գյումրու մասնաճյուղի անդամները տոնեցին ակումբի հիմնադրման երկրորդ տարեդարձը։

Միջոցառման ընթացքում մասնաճյուղի ղեկավար Արտակ Գևորգյանը ներկայացրեց վերջին երկու տարիների ձեռքբերումներն ու իրականացված ծրագրերը։

Վերջինս ընդգծեց ակումբի ներդրումը քաղաքի գործարար միջավայրի զարգացման գործում և ներկայացրեց մի շարք նախագծեր, որոնք նպաստել են համայնքի տնտեսական և սոցիալական զարգացմանը։ Արտակ Գևորգյանն առանձնահատուկ շեշտեց նաև համագործակցության ու ցանցերի ստեղծման կարևորությունը՝ ընդգծելով, որ ակումբի գործունեությունը նպաստում է անդամների միջև վստահության ու փորձի փոխանակմանը, ինչը էական ազդեցություն է թողնում նրանց բիզնեսի զարգացման վրա։

Տոնական միջոցառման ավարտին գործարարները քննարկեցին ակումբի առաջիկա ծրագրերն ու նպատակները։