«Մանթաշյանց» գործարարների ակումբի անդամները Չեխիայում բիզնես այց ունեցան Marlenka ընկերություն։ Ընկերության հիմնադիր Գևորգ Ավետիսյանը ներկայացրեց արտադրական գործընթացն ու տեխնոլոգիական նորարարությունները։ Տեղի ունեցավ շրջայց, որի ընթացքում գործարարները հնարավորություն ունեցան ծանոթանալու ընկերության արտադրության տարբեր փուլերին։
Բիզնես այցի ավարտին Marlenka ընկերության հիմնադիր Գևորգ Ավետիսյանը դարձավ «Մանթաշյանց» ակումբի Չեխիայի մասնաճյուղի անդամ։
Նշենք, որ «Մանթաշյանց» գործարարների ակումբի և Marlenka ընկերության համագործակցության շրջանակներում ապրանքանիշը ներկայացվել է նաև Հայաստանյան շուկայում։