Տեղի ունեցավ «Մանթաշյանց» Պրահա մասնաճյուղի պաշտոնական բացման արարողությունը։
Չեխիայի մասնաճյուղը համահայկական ամենամեծ բիզնես ցանցի 19-րդ մասնաճյուղն է։
Մասնաճյուղի բացման արարողությանը մասնակցեցին ավելի քան 70 հայ խոշոր գործարարներ՝ Երևանից, Սպիտակից, Մարսելից, Վիենայից, Անտվերպենից, Բրյուսելից, Ամստերդամից, Համբուրգից, Մյունխենից, Պեկինից, Պրահայից և այլն։

Չեխիայի մասնաճյուղի բացումը նշանավորվեց տեղի հոգևոր առաջնորդ՝ Հայր Բարսեղի հայ գործարար համայնքի համախմբման կարևորագույն գործի աջակցությամբ։ Պաշտոնական բացման արաողությանը Հայր Բարսեղը, ևս մեկ անգամ կարևորեց մասնաճյուղի դերն ու նշանակությունը տեղի հայ գործարար համայնքի կյանքում։

«Մանթաշյանց» գործարարների ակումբի համահիմնադիր նախագահ Վահրամ Միրաքյանը իր հերթին ներկայացրեց ակումբի 6 ամյա գործունեությունն ու ապագայի տեսլականը։ «Մանթաշյանց» Պրահա մասնաճյուղի ղեկավար Մարիամ Վարդանյանն էլ հավաստիացրեց, որ նոր մասնաճյուղը նոր ձեռքբերումներ է գրանցելու ակումբի կյանքում։

Պաշտոնական բացման օրը ներկաները նեթվորքինիգի միջոցով էլ ավելի ամրապնդեցին տեղում ձեռք բերված կապերը՝ հետագայում նոր բիզնես համագործակցություններ հաստատելու նպատակով։

Պրահայում անցակցրած օրերը կարևորվեցին մի շարք խոշոր ընկերություններ բիզնես այցերով, ակումբականներն այցելեցին “Marlenka” գործարաններ, “Arax” հայկական ընկերություն, որոնց հիմնադիրները ևս կմիանան ակումբին։
Այս կարևոր իրադարձությունը նոր քայլ է «Մանթաշյանց» համայնքի զարգացման մեջ, որտեղ համագործակցությունն ու փոխօգնությունը շարունակաբար ամրապնդվում են։
«Մենք ուժեղ է ես-ից»