«Մանթաշյանց անտառ», երկրորդ ծառատունկ

Մանթաշյանց անտառը հիմա ևս մեկ քայլով մոտեցավ իր իրականացմանը։

Այսօր տեղի ունեցավ տարվա երկրորդ ծառատունկը, որի ընթացքում Մանթաշյանց գործարարների ակումբի անդամները Գեղարքունիքում տնկեցին հարյուրավոր նոր ծառեր՝ մեզ մոտեցնելով մեր մեծ նպատակին՝ 20 000 ծառ։

Այս նախաձեռնությունը պարզապես ծառատունկ չէ․

Սա մեր ակումբի երկարաժամկետ սոցիալական պատասխանատվությունն է, ներդրումը Հայաստանի կանաչ ապագայի, և ապացույցը, որ գործարարը ուժեղ է ոչ միայն բիզնեսում, այլև իր երկրին տված արժեքներով։

Մեր համագործակցությունը My Forest Armenia ՀԿ-ի հետ շարունակվում է, և մենք քայլ առ քայլ կառուցում ենք այն անտառը, որը վաղը կդառնա Հայաստանի բնության կարևոր ձեռքբերումներից մեկը։