3-օրյա թրեյնինգ Մանթաշյանց ակումբում
27 Jul 2026
Երեք օր` հագեցած գիտելիքներով, փորձի փոխանակմամբ և գործնական լուծումներով։
Մանթաշյանց գործարարների ակումբում ավարտվեց «Ինչու՞ առանց վաճառքների մնացած ստորաբաժանումները կորցնում են իրենց իմաստը» թրեյնինգը, որը վարեց բիզնես-թրեյներ, վաճառքների և բանակցությունների փորձագետ, GROW բիզնես դպրոցի հիմնադիր և տնօրեն Արթուր Հակոբյանը։
Թրեյնինգի ընթացքում մասնակիցները քննարկեցին վաճառքների կառավարման ժամանակակից մոտեցումները, ղեկավարի դերը վաճառքների համակարգում, KPI-ների արդյունավետ կիրառումը, թիմի մոտիվացիան, բանակցային հմտությունները և բիզնեսի աճին նպաստող գործնական մեխանիզմները։
Մանթաշյանց գործարարների ակումբը շարունակում է ստեղծել հարթակ, որտեղ գործարարները զարգանում են, սովորում միմյանցից և միասին կառուցում ավելի ուժեղ բիզնեսներ։
