ԲԱՆԱԿՑԱՅԻՆ ԱՐՎԵՍՏ

Մանթաշյանց գործարարների ակումբում կայացավ կրթական թրեյնինգների շարքի 7-րդ հանդիպումը, որն այս անգամ նվիրված էր բանակցությունների արվեստին՝ ճիշտ դիրքավորմանը, արդյունավետ հաղորդակցությանը և շահավետ պայմանավորվածությունների հասնելուն։

Թրեյնինգի ընթացքում անդրադարձանք բանակցությանը ճիշտ նախապատրաստվելուն, դիմացինի իրական շահերն ու շարժառիթները հասկանալուն, սեփական դիրքն ու զիջումների սահմանները ձևավորելուն, ինչպես նաև ճնշման, էմոցիաների և մանիպուլյացիաների պայմաններում բանակցությունը կառավարելուն։

Թրեյներ՝ Արմեն Ղազարյան — Beer Academy, Ethnograph, Epos, Academy Events ընկերությունների հիմնադիր և գլխավոր տնօրեն։ Հանդիպման առանցքում իրական բիզնես իրավիճակներն ու գործնական գործիքներն էին՝ ավելի ուժեղ բանակցային դիրք կառուցելու և առավել շահավետ պայմանավորվածությունների հասնելու համար: